我們這一家

自從多了回澳走動，每個星期天，幾個姐姐們幾乎都會聚在一起晚飯，我們很少上館子，大都是在五家姐的家弄火鍋或鐵板燒，主要是貪方便，洗洗切切的不用煮，而且吃的時間長，一家人聚在一起說說笑笑便一晚，非常開心，名符其實的樂聚天倫~

一般吃鐵板燒的話都是我和五家姐負責弄的，不過上星期日花老爺雅興大發，竟然也來露一手，弄了一味紅酒牛油煮大蝦頭，吃得大家津津有味~點解係大蝦頭唔係大蝦？因為大蝦通常會去殼起肉來煮，由於蝦頭需多些時間來煮，且多膏而美味，故會分開來烹調，姊姊們都很愛吃~

雖然花老爺平時甚少下廚，但據他自己話，佢以前讀書時期曾在麥當努做兼職，煎得一手靚牛扖咁話喎。

究竟有幾好味我就唔知，不過睇佢煮時的功架同賣相，就好似唔錯咁，姐姐們同老媽仲贊不絕口添~

逗得花老爺鬼咁開心，仲話退休之後要去學煮餸咁話~

不過話時話，咁耐以來都係我煮比佢食居多，我好似冇乜食過花老爺煮的嘢，反而帶金就經常食到花老爺煮嘅出前一丁~

雖然我食素，不過其實只係鐵板炒菜都幾好味的~

看老媽看著滿桌的餸菜多開心~五家姐（左/即帶金表姐的媽媽）和四家姐（右）~四姊和六姊（右/即帶金表妹的媽咪）~這是鐵板青魚，大家都說非常美味的~當然唔少得花老爺的紅酒牛油煮大蝦頭登場啦！咁精采的場面，當然係要睇片啦~仲附加花老爺唔知醜的普通話試味感言添~不過當中不小心錄埋我五姐夫的豪情爆粗對話，大家多多包涵！若有小朋友看的話，請留意家長指引~幾個大男人喝多兩杯，開始教後輩（左/四姊的大仔）做人嘅道理~咩道理？唔......好似「男人唔好咁快比一個女人綁死、唔好為一棵樹放棄整個森林」之類啦~帶金和小表妹就唔理外面風風雨雨，躲在房中邊吃邊上網不知吃得多高興~